Bi fikrê min çar derecên alfabê hene. Ji ẍeynî vana carna ř/rr tê bikaranîn lê min ew nexistiye ti dereceyî. Dikeve cihekî di neqeba ya bi dengên biferq û ya bi veqetandina hişkbûniyê lê carna bi alfaba herî hêsanî jî tê bikaranîn.
Ev ya ko herî gelek tê bikaranîn e. 31 ḧerf hene.
Ev alfabe di kêm ferhengan de tê bikaranîn û di kovara pêşî ya kurmanciya latînî (ko alfabê tê de hate çêkirin – Hawar, ji ẍeynî ') de dihat bikaranîn. Ev alfabe ji bonî nivîsandina normal ya herî baş e ji ber ko dengên muhîm têne veqetandin û tê de bêhtirê ḧerfên alfaba kurdî ya 'erebî ya îro (Tewfîq Wehbî) hene (ji ẍeynî Lˤ û Ř). Yanî yek kare reḧet vê alfabê biqulubîne ya 'erebî û vegerînê. Di nivîsar û me'na gotinên li vê ferhenge de ev alfabe tê şuẍilandin. 34 ḧerf hene.
Ev alfabe di kêm ferhengan de û di nav kurdên Ermenistanê û Gurcistanê tê bikaranîn. AGAHDARÎ: Li Gurcistanê (belkî Ermenistanê jî) carna bedêla Ḧ, H’ û bedêla Ẍ, X’ tê bikaranîn. 38 ḧerf hene.
Ev alfabe tenê li vê malperê tê bikaranîn, lê li vir jî tenê li yek cihî têne şuẍulandin û ew jî navê gotinan e. Ev deng qelew in. 44 ḧerf hene.